Republican hruaitu zingah Trump duh lotu pung zel

US President thlanna neih tura Republican Party candidate, Donald Trump chu an party hruaitu zingah president atana duh lotu an pung zel.

Republican hruaitu hlun zinga 10 chuang zet chuan kar kalta Zirtawpni
aṭang khan Trump-a an vote loh tur thu an sawi. Mahse Trump chuan president chuh chhunzawm zel a tum thu a sawi a, amah thlawptute a tibeidawng dawn lo tih a sawi.

Kar kalta Zirtawpni khan Washington Post chuan kum 2005-a TV-a Donald Trump-a kawmna a tlangzarh a, hetah hian Trump chuan hmeichhiate chungchang chu ṭawngkam mawi lo takin a sawi. Mi lar tan chuan hmeichhia, Hurricane, tute lakah pawh engpawh a tih theih zel niin a sawi. Hemi chungchang tihdarh a nih hnu hian Trump chuan thupha a chawi nghal a, interview a neih laia a rilru ang chu a pu tawh lo a, hetihlai hian tun angin a rilru a la puitling lo niin a sawi.

Donald Trump-a'n vice president candidate atana a thlan, Mike Pence chuan Trump-a thusawite chu thil mawi lo tak a ni a ti a, mahse Trump-a'n a inchhir thu a sawi chu lawmawm a tih thu sawiin, America mipuite hnenah ngaihdam a dilsak nghal a ni.