Eiruk beihpui thlaknaah Nigeria-in dollar nuai riat man

Nigeria President Muhammadu Buhari-a kaihhruai sorkarin an rama eirukna tihbo tuma beihpui a thlaknaah, senior judge-te thamna sum lak dollar nuai riat an man tawh.

Nigeria security agency, DSS chuan tun hnaiah eiruknaa inhnamhnawih judge-te hi chhui an nih thu sawiin, an zinga eng emaw zat chu man an ni tih a tarlang. DSS thuchhuah chuan, judge-te khawsak nuamsa lutuk chu ngun taka an thlithlai reng thu sawiin, mipuiten sum tam tak an pek ṭhin thu complaint pawh an dawng ṭhin tih a sawi. Thamna la tu judge-te chu supreme, appeal leh high court amite an ni tih a sawi bawk.

Hetih lai hian Nigerian Bar Association (NBA) chuan sorkar chet dan chu an dem thu sawiin, judge an mante chu chhuah turin an phut. NBA chuan President Buhari chu dan zah turin an phtu tih an sawi a, sipai rorelna hnuaia awm an ni lo a, hetianga dik lo taka an chunga sorkar a inluling chu an pawm thei lo tih an sawi.

Nikuma Nigeria President atan lakluh a nih aṭang khan, Buhari chuan an rama officialte zingah eirukna hluar lutuk chu an ram
ṭhanmawh bawk niin a sawi a, eirukna um bo tur hian beihpui a thlak nghal a ni.