Russia leh Turkey-in inremna ziak

Russia leh Turkey chuan gas pipeline siamna turin Thawhṭanni khan inremna an ziak.

Turkey President Tayyip Erdogan leh Russia President Vladimir Putin-te chu Turkey khawpui, Istanbul-a Ottoman-era villa ah inbiain, energy, trade leh tourism leh defence lama ram pahnihte thawhdunna tur chungchanga ten sawi a, hei bakah hian Syria tualchhung din≠hmunte an sawidun bawk. Hruaitu pahnihte hian undersea gas pipeline siamna tura inremna hi an ziak nghal a ni.

Russia President Putin chuan Turkey aṭanga ei tur siam ṭhenkhat an rama lakluh an khap chu sut a ni tih a sawi. Russia hian nikum November thlaa Turkey lamin Syria ramri bula Russian jet fighter an kahthlak sak hnu khan Turkey ram hrekna hi a siam a ni.

Turkstream undersea gas pipeline siamna tura inremna an ziah hmang hian Russia chuan European gas makert-ah a dinhmun a sawhnghet thei dawn a, Ukraine kaltlanga Europe ram tana gas a pek ṭhin pawh a tihhniam phah bawk ang.

Turkey President Erdogan chuan Russia-in Turkey rama nuclear power plant a siamna tur pawh ngaihtuah a ni dawn tih a sawi a, ram pahnihte inkar boruak ṭha lo avanga hun eng emaw chen Akkuyu project hna thawh khaihlak chu chhunzawm a ni ang, a ti. Kum 2013 khan Russia rama nuclear corporation Ro≠sa≠tom chuan Turkey-a nu≠clear reactor pali siamna tur, dollar tluklehdingawn 20 contract a lo hmu tawh a ni.