Thailand mipuiten an lal tan thawmhnaw sendang inbel

Thailand mipui≠te chuan an lal, King Bhumibol Adulyadej-a hriselna dinhmun a
ṭhat chhoh leh beiseiin nimin khan thawmhnaw sendang (pink) an inbel. Rawng sendang hian a hriselna kawngah vanneihna a thlen theih an beisei a ni.

Kum 88 mi, King Bhumibol-a hi khawvela ram khat roreltu din≠hmun chelh rei thei ber a ni mek a, mahse tunhnaiah a hriselna lam a tlahniam hle. Pathianni khan lal in thuchhuah chuan King Bhumibol-a hi a ṭha lo a, a blood pressure a tlahniam a, ventilator hmanga thawk tir mek a nih thu a sawi.

Thailand mipui tam tak hian puithuna lam thil an la uar hle a, rawng lar leh langsar deuh hian vanneihna a thlen theia ngaitu eng emaw zat an la awm. Palace thuchhuahin Thailand mipuite hnena thawmhnaw rawn sendang inbel tura ngenna a siam chu social media lamah nasa taka thehdarh a ni. Royal astrologer chuan rawn sendang hi an lal tana rawng ṭha niin a lo sawi tawh a, King Bhumibol pawhin vantlanga hmaa a inlannaah thawmhnaw rawng sendang hi a inbel fo a ni.