Haiti-a thlipui tuarte tan UN hotuin dilsak

Thlipui na tak, Hurrican Matthew-in Haiti rama chhiatna nasa tak a thlen avangin Haiti rama mi maktaduai 1.4 vel chu ṭanpui ngaiin an awm mek niin United Nations Secretary General Ban Ki-moon chuan a sawi.

Hurricane Matthew-in chhiatna a thlenah hian mi 1,000 chuang an thi a, in tam tak a nuai chhe bawk. Thlipui tuarte ṭanpuina tur hian thla thum chhungin US dollar maktaduai 120 vel mamawh a ni dawn tih UN hotu chuan a sawi.

UN Central Emergency Response Fund (CERF) chuan Haiti ram mipuite ṭanpuina bul ṭan hna thawhna atan dollar matkaduai nga a pe tawh a, hemi hma hian Haiti rama tui hri, cholera leng mek do letna turin UN Childrenís Fund (UNICEF) hnenah dollar maktaduai riat loan a lo pe tawh bawk.

New York-a UN Head≠≠≠quarters-a chanchin thar lakhawmtute a kawmnaah Ban chuan, ìMi tam tak an thi a, mi maktaduai khat chuangin ṭanpui an mamawh bawk a ni. Khaw tam tak chu thlipui hian a nuai chhe vek a niî, a ti. Chenna in bakah thlai chin leh thlai thar dahna hmunte pawh a chhe nasa a, school 300 chuang a chhe tel bawk niin a sawi.