Myanmar sipai sorkarin inkahhai puang thar leh

Myanmar sipai sorkar chuan an rama lirnghing vanga chhiatna thleng tuartute ṭanpui leh chhawmdawl hna thawh a nih theihna atana inkahhai a puan chu a zawh hnuah, nimin khan tun thla chhung atan inkahhai a puang thar leh.

Sipai sorkarin thuchhuah a siamah, inkahhai hian May thla chhung awhin, hemi chhung hian lirnghingin thil a tih chhiatte siamṭhat hna leh, a tuartu mipuite chhawmdawl hna thawh a ni ang, a ti. Hemi rual hian sipai sorkar dodaltu helpawl hrang hrangte chu vau nghalin, inkahhai bawhchhe zawnga chet an lak chuan an beih let nghal tur thu an sawi. "Mipui leh an khuate chu airstrike hmanga kan venhim an ngai a ni," tiin Karen state-a sipai officer chuan a sawi a, inbeihna thleng vanga khaw chhung mite an tlanchhiat a ngai chu pawi an tih thu a sawi bawk.

Helpawl ṭhenkhat pawhin lirnghing hnu hian inkahhai an puang ve bawk a ni.