Khualzin tlawhtu tam lutukin Italy khua a tibuai

Italy rama Lake Garda kama awm, mi 8,000 vel chenna Sirmione khua chu May Day holiday karah tlawhtu khualzin an tam avangin tualchhung mite an buai phah hle.

Sirmion khuaah hian kum zabi 13-na hunlaia mi kulh, Scaligero Castle a awm a, hei hi khualzinte tlawh hlawh tak a ni. Mahse kar liam ta kar tawpah khan he khua hi khualzin 75,00 velin an tlawh a, castle tlawh tumte pawh rei tak tak an intlar a ngai a, khaw chhung kawng chep taka an inhnawh hnem avangin motor tlan vel thlengin a buai phah a ni.

Sirmione khaw mite chuan khualzin tam lutukin harsatna a thlen chungchangte chu online lamah sawi langin, an khuaa thil hlu awmte chu a chhiat phah mai an hlauhthawn thute an sawi. Mi tam takin mipui tam lutuk thunun dan tur leh, tourism kalpui dan turah pawh dan mumal tak siam an duh thute an sawilang.