China President-in Cambodia tlawh

China President Xi Jinping chu ni hnih cham turin nimin khan Cambodia ramah a zin a, a cham chhung hian ram pahnihte thawhdunna tur inremna thuthlung 30 vel an ziah rin a ni.

Xi Jinping hian China President a nih hnua Cambodia ram a tlawhna hmasa ber a ni a, Cambodia lal King Norodom Sihamoni leh Prime Minister Hun Sen-te a hmu ang. Hun Sen chuan China nen hian economy, investment, agriculture leh infrastructure lamah thawhdunna tur inremna an ziak dawn tih a sawi.

Cambodia hi China ṭhian ṭha ram a ni a, China chuan chhawm≠dawlna tur sum tam tham tak a lo pe tawh ṭhin a, a leiba pawh a ngaihdamsak tawh bawk. Kumin July thla khan China chuan Cambodia rama election infrastructure bakah education leh health lama
ṭanpuina turin dollar maktaduai 600 dawn a pe leh a ni.