Russia-in vawiinah Victory Day hmang dawn

Russia chuan vawiin hian Indopui II-naa Nazi Germany an hnehna, Victory Day vawi 80-na a hmang dawn. He hun hi ram dang hruaitu eng emaw zatin an hmanpui dawn a ni.

Victory Day hi Red Square, Moscow-ah parade ropui tak nen lawm a ni dawn a, he huna an mikhual pawimawh tur nia an sawi, China president Xi Jinping chuan Nilaini khan Russia hi a thleng tawh.

President Xi hi ni li cham turin a kal a, a cham chhungin China-Russia insumdawn tawnna leh, China-a Russia oil leh gas supply chungchangte, BRICS thawhhona tih chak dan turte chu Russia president Vladimir Putin nen an sawi dun dawn a ni.

Putin leh Xi hian ṭum 40 chuang an lo inhmu tawh a, mimal tak pawhin inzawmna ṭha leh nghet tak an nei a ni. Kum 2022-a Russia-in Ukraine a run hnuah pawh China hian Russia hi a la thlawp chhunzawm reng a,khawthlang ramten Russia oil leh gas an hreksak hnuah pawh China hi a leisaktu lian ber a ni reng tho a ni.

Russia pawh hian a sipaite khawl leh electronics lamah pawh China hi a innghahna pawimawh tak a ni bawk.