Sri Lanka-in a ram hman phal dawn lo

Sri Lanka chuan India leh Pakistan inkar boruak chhe mek karah, a ram chu mi dang beihna atan ram dangin an hman a phal dawn lo tih a sawi a, ram pahnihte buainaah inrawlh a tum lo tih a sawi bawk.

Cabinet thupuangtu, Nalinda Jayatissa chuan, "Kan ram, tuipui leh boruakte hi mi dang beihna atan ram dangin an hmang dawn lo. He thilah hian nghet takin kan ding dawn. Buainaa inrawlh kan tum lo a, kan inrawlhna tur chu buaina tih ziaawmna tur te, bial chhung himna tur leh firfiaka chetna thleng tur venna turte a ni ang, " a ti.

Sri Lanka chuan India leh Pakistan chu inzawmna ṭha tak a neihpui ve ve a ni tiin, ram pahnihte hian Sri Lanka hi an lo pui fo ṭhin tawh bawk a ni, a ti. An ram thuneihna vawnghim chungin, ram pahnihte buaina karah ṭan lam bik an nei lo tih a sawi.

President Anura Kumara Dissanyakae chuan April 22-a firfiakten India rama pawikhawihna thlena mi 26 te thihna thleng kha pawi a tih thu a lo sawi a, firfiaka chetna an dem thu leh, India an tawrhpui thu pawh India prime minister Narendra Modi hnenah a lo hrilh tawh bawk.

South Asians for Human Rights (SAHR) chuan India leh Pakistan chu indo lo zawnga buaina chingfel tura ngenin, an inkar boruak ṭha lo chu chinfel a nih thuai loh chuan ram pahnih bakah South Asia pumin a nghawng thei dawn a ni, an ti.