Taliban sorkarin chess khelh a khap

Afghanistan-a rorellai, Taliban sorkar chuan chess chu gambling lam a chawilar a, hei hian Islamic morality law a kalh nia sawiin ram chhungah chess khelh a khap.

Official-te chuan chess hi Islamic law hnuaia kalpui theih a nih theih dan ngaihtuah a nih hma chu tiam chin awm loin khelh khap a ni tih an sawi. Taliban hian a hmain mixed martial arts (MMA) competition pawh a lo khap tawh a, hei bakah hmeichhiate chu infiamna lam chi hrang hrang an khelh a lo khapsak tawh bawk a ni.

Taliban sorkar hnuaia Directorate of Physical Education and Sports thupuangtu, Atal Mashwani chuan Islamic Sharia law chuan chess hi gambling tihna pakhat angah a ngai a ni tiin, hemi chungchang hi ngaihtuah leh chinfel a nih hma chuan Aghanistan-ah chess khelh khap tlat a ni, a ti.

Hei bakah national chess federation chuan an pawl chhunga buaina an neih avangin kum hnih dawn chu official event pawh an buatsaih thei tawh lo niin a sawi bawk.