Pope Leo XIV in indona ti tawp vek turin duh

Roman Catholic kohhran hruaitu atana thlan thar, Pope Leo XIV chuan pope a nih hnua Pathianni thuchah hmasa ber chu Vatican-a St Peter's Square-ah sawiin, khawvelah indona ti tawp vek tur leh, remna leh muanna a awm a duh thu a sawi.

Pope chuan tunlai khawvela thil thleng mek - Ukraine leh Gaza Strip-a indona thleng mek leh, India leh Pakistan inkar dinhmun chhe mek chungchangte a sawi chhuak. Gaza-ah inkahhai puan a nih a, India leh Pakistan pawhin inremna tluantling an siam a, Ukraine-ah remna leh muanna a awm a duh thu Pope Leo chuan a sawi.

Pope Francis a thih avangin kar liam ta Ningani khan member tld 1.4 awmna, Catholic kohhran hotu thar atan Pope Leo hi thlan a ni a, pope 267-na niin May 18 hian St Peter's Square-ah dan ang takin Pope thar atan lakluh a ni ang.

Pathiannia St Peter's Basilica-a central balcony aṭanga pungkhawmte hmaa thu a sawiah, Pope chuan khawvela indona thleng mekte tih tawp a nih a, remna leh muanna a awm a duh thu hi a sawi.