UN Secretary General thar tur thlang fel ta

Portugal Prime Minister hlui Antonio Guterres chu UN Secretary General thar atan Ningani khan official-a thlan fel a ni ta.

Member 193 awmna General Assembly chuan Ningani khan UN Secretary General thar tur hi a thlang, Kum nga term tur a ni a, nakkum January 1 aṭanga thawk
ṭanin, December 31, 2022 thleng a chelh dawn a ni.

Kum 67 mi, Guterres hi UN High Commissioner for Refugees-ah hian kum 2005, June aṭanga December, 2015 thleng khan a awm. UN refugee agency a zawm hma hian kum 20 chuang zet chu an ram chhungah politics khelin, kum 1995-2002 inkar khan Portugal prime minister a ni.

Official-a UN hotu thar atana thlan a ni ta chu lawmawm a tih thu sawiin, Guterres chuan chanvo pawimawh tak chelh tura General Assembly leh Security Council-in a ringtawk chu a lawm hle tih a sawi a, theihtawpa a chanvo hlenchhuak tura thawh a tum thu a sawi.