Kum 2028-a khawvela economy lian ber tur China

China chuan US lehpelin kum 2028-ah khawvela economy lian ber a ni thei dawn tih Centre for Economics and Business Research  (CEBR) chuan a tarlang.

CEBR chuan China chu Covid-19 dona kawnga a thawhṭhat thu a tarlang a, hri len ṭantirha khauh taka inkhuahkhirhna a hman avang chuan an ram economy chuan US aiin hmasawnna a nei tam thei dawn niin a tarlang. Hei vang hian tuna economy lian ber anga ngaih 

US chu kum 2028-ah chuan a lehpel dawn niin a tarlang a ni. 

Kum 2021-25 chhunga China economy ṭhanna tur chu 5.7% a nih thu CEBR chuan a tarlang a, kum 2026-30 chhunga a ṭhanna tur chu 4.5% a nih a rinthu a tarlang bawk. Hetih lai hian kum 2022-24 chhunga US economy ṭhanna tur chu 1.9% a nih tur thu CEBR chuan a sawi a, a hnuah 1.6% a nih a rin thu a tarlang leh bawk. 

Japan chu kum 2030 thleng khawvela economy lian ber pathumna a nih reng a la rin thu CEBR chuan a tarlang a, India leh Germany chu palina emaw pangna an nih a rin thu pawh a tarlang bawk a ni