Beijing-in yellow alert tichhuak

China khawpui, Beijing chuan khawpui chhung boruak bawlhlawh avangin mipuite fimkhur tura chahin, kar kalta Inrinni khan yellow alert a tichhuak a, tun thla chhunga ṭum hnih a tihchhuahna a ni.

National Meteorologial Centre chuan khawpuia chengte chu a theih anga invenna hmang turin an chah a, thawkna lama harsatna neite chu pawn chhuak tam lo turin a ngen. Air pollution chungchangah hian warning system hi rawng chi li a awm a, 'red alert' chu a serious ber a ni a, 'yellow' chu a hlauhawm pathumna leh 'orange' chu pahnihna a ni a, 'blue' chu pollution level-a fimkhur tura inchahna a hlauhthawnawm lo ber a ni.

Beijing khawpuiah hian October 2 khan 'yellow alert' tihchhuah a lo ni tawh bawk.