Brazil tan-ina buaina chhuakah mi 25 thi

Brazil hmarlam, Roraima state khawpui Boa Vista khuaa tan-inah Pathianni zan khan buaina a chhuak a, mi 25 an thi.

Tan in chhunga pawl pahnih inkarah buaina hi chhuakin, thi zinga mi pasarih chu an lu tansak an ni a, mi paruk halhlum an ni bawk. Tangte hian chem leh talhtum te an kawl nia sawi a ni.

Roraima state Secretary of Justice Uziel Castro chuan visiting hour laiin buaina hi a chhuak a, an chhungte tlawhtu mi 100 vel an awm a ni. Tangte hian an thil phutte ngaihthlak sak tura judge tir tura phutin tang tlawhtute hi an hreng a, mahse Special Opreations Police-te tirh an nih hnuah an mi hrente hi chhuah an ni a, tan-in chhunga buaina pawh an chingfel a ni.

Roraima state hi Rio de Janeiro hmarthlang lam, km 3,400 vela hlaa awm a ni a, Venezuela nen an inri a ni.