North Carolina-a Republican office bei

North Carolina, US-a Republican Pary office chu kar kalta Inrinni zan khan firebomb hmanga beih a ni a, furniture leh campaign poster-te a chhia a, hliam tuar erawh an awm lo.

Office bula in pakhat bangah an khua aṭanga Nazi Republican te chhuak tura vauna thu an ziak bawk.

Republican party president candidate, Donald Trump chuan he thil thleng hi a dem thu sawiin, Democratic party president candidate Hillary Clinton-i leh North Carolina-a an aiawhte thiltih a ni, a ti. Trump chuan November 8-a US President thlanna neih tur atana state pawimawh tak, North Carolina-ah hian hma an sawn zel vang leh, an chak chhoh zel avangin beih an tawk ta niin a sawi.

Hillary Clinton-i pawhin Republican party office beih a ni chu a dem thu a sawi a, hliam tuar an awm lo chu lawmawm a tih thu a sawi. North Carolina Governor Pat McCrory chuan firebomb hmanga inbeihna thleng chu democracy beihna a ni tiin, "Kan khawtlangah hian tharum thawhna hian hmun a nei lo, a bik takin inthlan kaihhnawihah phei chuan. He thil thlenga mawhphurtute chhui chhuak ngei turin kan theihna zawng zawng kan hmang ang", a ti.