China-in Shenzhou 11 aircraft kapchhuak

China chuan van thengreng chanchin zir tura a project thawk turin nimin khan van lam chanchin zir mi pahnih chu Shenzhou-11 spacecraft hmangin a kap≠chhuak.

Astronaut pahnih a tirh chhuahte hi Jin Haipeng (49) leh Chen Dong (37)-te an ni a, nimin zing dawr 7.30 khan an ram hmarlama awm, Jiuquan Satellite Launch Centre aṭangin an chuanna aircraft hi kahchhuah a ni a, space station-ah ni 30 chhung Tiangong 2 space lab-ah hun an hmang dawn a ni. Spacecraft kahchhuah lai hi China Central Television (CCTV) chuan a tichhuak a ni.

Shenzou-11 spacecraft hian astronaut pahnihte hi Tiangong-2 space lab-a a dah hnuah a rawn kir leh nghal dawn a ni. Space lab hi China-in kum 2022-a anmahni puala space station siam a tum hmalakna peng pakhat atana a hawn a ni.

China hian kum 2003 khan space mission a kalpui ṭan a, US leh Europe-te el in space mission atan hian sum ṭhahnem tak a dah a, kum 2020-ah Mars mission kalpui a tum bawk. Space programme a siam chu a muanawm zawng chauha kalpui tur niin sawi mah se, anti-satellite missile pawh a lo enchhin tel tho a ni.