New Zealand PM leh minister-te thla ruk chhung hlawh tihniam dawn

New Zealand prime minister Jacinda Ardern, minister leh public service chief executive-te chuan thla ruk chhung an hlawh 20% in an tihniam dawn. PM Jacinda Ardern chuan news conference an neihnaah he thu hi puangin, hri leng vanga an ramin harsatna a tawh mek karah hei hi hruaitu an nih anga hma an lakna hun leh an tihna chhan pawh a nih thu a sawi. "New Zealand mi tam tak, nitina inhlawhfa ṭhinten hna thawk thei loin, hri leng vangin mi tam takin an hna an chan phah tihte pawh kan hria a ni," a ti. New Zealand ramah hian lockdown khauh taka kalpuiin, kar thum chhung chu offi ce, school leh non-essential service-te khar a ni tawh. Nimin thleng khan hri kai hi mi 1,386 awmin, mi pakuain an thihpui tawh a ni.