-in UNESCO magazine tihchhuah nan dollar mtd 5.6 pe

China chuan United Nations Educational, Scientific and Cultural Organization (UNESCO) hnenah a magazine siam ṭhin, Courier tihchhuah thar tur atan dollar maktaduai 5.6 a pe dawn.

UNESCO Courier hi nakkum kumtir lam aṭangin tihchhuah leh tum a ni a, UNESCO-in zirna, science, culture leh communication chawikang tura a hmalakna kaihhnawih hrang hrang article-te dah a ni ang.

Courier magazine hi sum awm loh vangin kum 2011 khan tihtawp a lo ni tawh a ni. Mahse tihchhuah thar leh a nih theih nan hian China chuan sum ṭhahnem tham tak a pe dawn a ni. Hemi atana inremna hi Thawh-
ṭanni khan UNESCO Director General Irina Bokova leh China Vice Minister of Education leh national commission for UNESCO Professor Hao Ping-te'n Paris-ah an ziak. Courier magazine hi thla thum danah tihchhuah a ni dawn a, UN official language chi rukin online publication siam a ni bawk ang.