EU-in Russia beihpui thlak dem

European Union chuan Russia-in Syria khawchhak lam, Aleppo biala beihpui a thlak chu na taka a dem thu sawiin, mahse Russia hrek erawh a tum lo tih a sawi.

Russia hian Russia sorkar laka helte laka beihpui a thlaknaah hospital, school leh infrastructure pawimawh dangte kah tel a ni a, hei bakah hian barrel bomb, cluster bomb leh chemical ralthuamte an hmang tel niin Luxembourg-a UE foreign minister-te thuchhuah chuan a tarlang.

EU chuan Russia hrekna siam hi member ram zingah rawt an awm lo tih a sawi a, mahse Russia thurualpui Syria sorkar hrekna erawh siam tum niin a sawi. Thawhṭanni khan Russia leh Syria sipaite chuan Aleppo-ah hian beihpui thlak lehin, civil mi 14 an thi tel a ni.

Rusia chuan Aleppo-a beihpui an thlak chu Ningani hian darkar riat chhung an chawl lailawk dawn tih a sawi. Russia sipai officer Sergei Rudskoi chuan, "Civil mite hmun danga an insaseng theihna tur hawn sak a, damlo leh hliam tuarte sawnchhuah an nih theihna turin kan chawl lawk dawn a ni, hemi chhung hian helho pawh insaseng turin kan ngen bawk" a ti.