US President Trump-a'n Middle East tlawh

US president Donald Trump chu ni thum chama Middle East ram pathum - Saudi Arabia, Qatar leh United Arab Emirates (UAE) tlawh turin nimin khan a zin chhuak. President term hnihna atana lak luh a nih hnua diplomatic trip a neihna hmasa ber a ni.

President Trump hian Saudi Arabia pan hmasa berin nimin chawhma lam khan a thleng a, Saudi Crown Prince Mohammed bin Salman nen private meeting an nei nghal. Riyadh-ah a pualin state dinner buatsaih a ni. Vawiin hian Qatar lam a pan ang.

Energy lama hausa, Gulf ram pathum a tlawhnaah, President Trump hian US-a investment lian tham an tihna tur inremna a siampui beisei a ni. Crown Prince hian a hmain USD tld 600 investment tih a lo tiam tawh a ni. Hei hi USD trillion 1-a ti pung tura a ngen tur thu pawh Trump hian a lo sawi tawh bawk.