Saudi Arabia lal fapa tihlum

Saudi Arabia Prince Turki bin Saud al-Kabir chu kum thum liamtaa an intihbuainaah, a thianpa a kahhlum vangin nimin khan tihhlum a ni. Tihhlum a nih dan hi sawilan a ni lo a, mahse Saudi Arabia ramah chuan tihhlum tura thiam loh chantirte hi an lu tansak an ni tlangpui ṭhin.

Prince Kabir hi Saudi Arabia-in kumin bika thiam loh chang a tihhlum 134-na a ni. Lal chhungkaw member zingah thiam loh chantir tihhlum hi an awm khat hle. Kum 1975 khan King Faisal thattu, lal chhungkaw member Faisal bin Musaid al Saud chu tihhlum a lo ni tawh bawk.

Kum 2012, Decemer thla khan Riyadh bula camp-ah buaina chhuakin silai te hmehpuah a ni a, Prince Kabir hian a ṭhianpa a kaphlum tih a hriatin police-te a hriattir nghal a ni. Kum 2014, November thla kha court chuan prince hi thiamloh a chantir a ni.