Al-Shabab-te'n Somalia-a sipai hmunpui an bei

Somalia rama helpawl, Al-Shabab-te chuan an ram khawpui, Mogadishu hmarthlang lam km 30-a hla, Afgoye-a military base an bei a, mi 10 chuang an thi.

Somali military officer, Captain Abdullahi Ali chuan sipaiten helho hi bei let nghalin, khua aṭang hian an um chhuak tawh niin a sawi.

Helho hian African Union base leh a bula police station-ah thihchilh bomb an tipuak a, hemi hnu hi sipai awmna hmun hi luhchilhin silai an hmetpuak a, sipaite nen an inkap zui a ni. Sipai hotute chuan helho beihna avang hian mi 10 chuang an thi a, an zingah hian civil mi pawh an tel niin an sawi.

Military base beih a nih hnu hian Al-Shabab chuan thuchhuah siamin, an pawl tih a nih thu an puang. Al-Shabab hian an rama khawthlang ramte thlawp sorkar paihthlak tumin vawi tam tak pawikhawihna an thlen tawh a ni.