Pakistan sor-kar-in Imran Khan a man dawn

Cricket-turned-politician Imran Khan chuan November 2-a Pakis≠tan President Nawas Sharif-a duh lohna lantir a, Islamabad-ah nawrh huaihawt a tum avangin sorkar chuan man a tum.

Imran Khan-a bakah hian a party, Pakistan Tehreek-i-Insaf hruaitu dang eng emaw zat pawh pawn chhuak thei loin, house arreset-a hren tum an ni.

Panama Paper leak-ah Sharif-a hian ramdanga sum chheprelh eng emaw zat a nei nia a lan avangin Imran Khan khan leh a party chuan an President rin tlak loh tia sawiin, Islamabad khawpui nawrh huaihawt a, khawpui kalpawhna kawngpui dan leh sorkar pawh hna thawk thei lo tura siam an tum a ni. Mahse rorellai, Pakistan Muslim League chuan tumahin Islamabad khawpui kalpawhnate an dangbet tur a ni lo tiin, hetiang tih tum chu sorkarin a bitum zel dawn a ni, a ti.