Harvard University fund tih tawp belh leh

US sorkar chuan university inkaihhruaina tur chungchanga a thil phutte Harvard University-in a hnawlsak avanga fund pek tur, USD tld 2.2 a tih tawp sak hnuah, Thawhlehni khan he university-in federal agency pariat aṭanga grant a dawn, USD mtd 450 tih tawp belh leh.

Department of Health and Human Services chuan university-ah inthliarna nasa tak a awm thu sawiin, fund pawh tih tawp belh a nih thu a tarlang. Harvard hnenah lehkha a thawnah, Harvard chuan harsatna lian tak an nei a ni tiin, rintlaka awm aiin dan loa thiltite duh ang a pe zawk a, institution hruaitute chuan mipuite rinna an hloh tawh a ni, a ti.

Khawvela university ṭha ber zinga mi, Harvard hian fund tihtawp sak a nih chungchang hi dan kalh a ni tiin, court-ah a khing let a ni.

President Trump kaihhruai sorkar chuan Harvard hnenah hian campus-a Juda mi huatna leh Palestinian thlawpna lantirna thleng ṭhin ti tawp tur te, an inkaihhruaina siamṭha a, admission policy ennawn a, hruaitu thlak turtein a phut a ni. Harvard bakah university dangte pawh ngenna hi thawn an lo ni tawh bawk.