Myanmar-ah Covid-19 kai 85 an awm tawh
Myanmar ramah nimin khan Covid-19 kai mi 11 hmuh thar an ni a, heng mite nen hian an rama coronavirus kai awm zat chu mi 85 an tling tawh. Hri kai zinga mi pali hian an thihpui tawh a, mi pahnih chu enkawl dam an ni tawh bawk.
State media MRTV chuan an rama hri kai awm zat hi a puang a, April 15 thleng khan National Health Laboratory-ah mi 400 test an ni tawh bawk tih a tarlang.
March 23 khan Myanmar-a Covid-19 kai hmasa ber hi hriatchhuah a ni a, hemi hnu hian pun lam pan zelin, ni thum liam ta chhung chu nitin mi 10 chuang kai thar an awm tawh a ni. Hri kai zingah hian rock star Myo Gyi pawh a tel.