US leh UAE-in USD tld 200 hu inremna ziak

Middle East tlawha zin, US president Donald Trump leh United Arab Emirate (UAE) president Mohammed bin Zayed Al Nahyan-te chu Ningani khan Abu Dhabi-ah an inkawm a, meeting zawh hnu hian ram pahnihte hian thawhdunna tur inremna, USD tld 200 hu ziah a nih thu White House chuan a puang.

US leh UAE-in inremna an ziah zingah hian Etihad Airways-in Boeing 878 leh 777X aircraft a leina turte pawh a tel. US Commerce Department chuan ram pahnihte hian “U.S.-UAE AI Acceleration Partnership” framework siam an remtih thu sawiin,UAE-ah US pawna artificial intelligence campus lian ber tur siam pawh an remti bawk. He inremna hian UAE in AI chips a hman turah huang zau zawkin a kalpui thei dawn a, mahse data centre-ah hian eng AI chips nge hman a ni dawn tih ram pahnihte hian an sawilang lo thung.

President Trump hian ni li thanga Middle East ram pathum - Saudi Arabia, Syria leh UAE te a tlawh hnuah nimin khan US lamah a kir a ni.