Hong Kong leh Singapore-ah Covid-19 hri leng thar leh

Hong Kong leh Singapore-a health official-te chuan Covid-19 hri a leng thar leh tih sawiin, Asia hmun dangah pawh a darh mek a ni, an ti.

Centre for Health Protection, Hong Kong-a Communicablet Disease Branch hotu, Albert Au chuan khawpui chhunga Covid-19 hri kai hi an tam leh viau tawh a, kum hmasa lam anga nasa chu ni lo mah se damdawi-in leh clinic hrang hrang pan an tam leh tawh niin a tarlang.

Singapore-ah pawh Covid hri kai hmuh belh a ni bawk a, health ministry chuan May chawlhkar hmasa berah hri awm zat chu mi 14,200 vel niin, a kar hmasa aiin 28% in pung tih a sawi. Covid hri vanga damdawi-in awm zat pawh 30% velin an pung bawk.

Asia ram dangah pawh Covid hri kai thar hi hmuh tur an pung chho a, China-ah pawh hri hi leng thar lehin nikum nipui laia hri kai zat ang an tling chho leh thei dawn niin an sawi. Health official-te chuan mipuite chu vaccine la vek turin an hriattir leh a ni.