China-ah tuilian vangin mi 5 an thi

China ram chhim lam, Guangdong leh Guangxi province-ah ruah sur nasa avanga tuilianah mi panga an thi a, chin hriat lohin mi eng emaw zat an awm. Hmun ṭhenkhatah lei a min bawk.

National Meteorological Centre chuan kar liam ta kartawp khan Qiangxi, Zhejiang, Fujian, Guangxi, Guangdong leh Xijiang province-ah Pathianni leh Thawhṭanniah ruah nasa takin a sur dawn tih warning a lo ti chhuak tawh a; Zhejiang, Fujian, Guangdong leh Guangxi bikah chuan yellow alert tih chhuah a ni.

Tuilenna bialah hian harsatna tawkte ṭanpui leh chhawmdawl hna thawk turin work team tirh nghal an ni tih Ministry of Emergency Management chuan a tarlang. Thuneitute chuan mipuite chu fimkhur tura chahin, warning tih chhuahte ngaihven a, hmun hlauhawm laia awmte chu an himna tur hmun lamah in sawn turin a ti bawk.