China-in official-te an sum hman ti tlem turin hriattir

China sorkar chuan a sum hman ral tih tlem tuma a hmalakna kawng khatah, official-te chu zin veivahna, ei tur leh office atana an sum hman ti tlem turin a hriattir.

Rorellai, Communist Party-in sorkar official-te hnena hriattirna a tih chhuahah inkawm khawmna, zu leh cigarettes atana an sum hman pawh ti tlem turin a hriattir tel. Sorkar sum an hmanna kawngah fimkhur tura hriattir in, sum ren lo taka an chetna chu ti tlem tur leh, hetianga hautak taka chet chu thil zahthlak leh ṭul loa sorkar sum khawhralna a nih thu a sawi.

President Xi Jinping chuan kum 2012-a President hna a chelh aṭang khan an rama eirukna dona leh uchuak leh hautak taka khawsakna do hna beihpui a thlak a, kum 2023 an ram official-te chu an sum sen hautak lutuk ti tlem turin hriattir an lo ni tawh a ni.