Brazil President-in health minister a ban

Brazil rama coronavirus leng chungchanga hma lak danah President leh a health minister, orthopedist  hian ngaihdan in ang lo tak an neih avangin sawi zui pawh an hlawh hle. Health minister hian hri leng do tura khauh taka hma lak a, inkharkhipna leh social distancing-te a ngaih pawimawh hle laiin, President erawh chuan heng hi a ngai pawimawh tawk lo a, hri leng chungchang chu a nihna baka buaipuiah a puh thung. Mipuiten health minister hmalakna hi an thlawp a, President larna pawh a tlakhniam phah hle a ni. 

Bolsonaro chuan coronavirus chu flu pangngai mai a ni tiin, lockdown puan a thlawp a, an ram economy-in a tuar tur duh loin hna pawh dan pangngai anga thawh chhunzawm a duh a ni. President hian Mendetta thlak tur hian oncologist Nelson Teich a ruat nghal a ni. 

Health minister ban a nih thu a puannaah, President Bolsonaro chuan nunna chu hlu a, hemi rual hian economy leh employment pawh a pangngaia kalpui a ngai a ni, a ti. Mandetta chu demna a nei lo tih a sawi nghal bawk.

Mandetta chuan amah thlaktu chu a thawhpui tur thu sawiin, a pawimawh ber chu an ram hri leng buaipui chu a ni, a ti. Health minister-a dahtu President chungah leh, he dinhmun a chelh chhunga a thawhpuite chungah a lawm thu a sawi.