NKorea indo lawng lian tlangzarnaah a chesual nghal

North Korea indo lawng lian chu Ningania a tlangzarhna inkhawm buatsaihnaah a che sual nghal. Ton 5,000-a rit destroyer hi a dinna hmun aṭanga tawlh liamin lawng mawng lam a sawh chhia a, a hman tlak zui ta rih lo a ni.

Indo lawng lian tlangzarhna inkhawm hi an ram khawchhak lama Chongjin lawng chawlh hmunah hman a ni a, North Korea ram hotu lu ber, Kim Jong-un pawhin a telpui a ni. Lawng chetsualna thleng chu fimkhur tawk loh vang leh, mawhphurtuten an mawhphurhna an hlen loh vang niin Kim chuan a sawi a, pawikhawihna lian tak a ni tiin enliam mai a nih dawn loh thu a sawi bawk. June thlaa party meeting pawimawh neih hma ngeia siamṭha leh nghal turin a hriattir.

Kim chuan lawng lian chetsualna chu an ram zahawmna leh inchhuanna a ti chhe nasa hle a ni tiin, leh lawng ruangam duan naa inhnamhnawihte chuan mawh an phur vek dawn tih a sawi. An chungchang hi thla thara plenary meeting neih hunah ngaihtuah a ni dawn tih a sawi a, eng ang hremna nge pek an nih dawn erawh sawichian a la ni lo.

Mahse NKorea hian human rights record a nei chhe hle a, South Korean DVD en ringawtte pawh jail tantir an ni a, hei vang hian lawng siamtute hremna pek tur hi a nat viau a rinawm.