Myanmar-in tang 25,000 vel chhuah dawn
Myanmar president Win Mint chuan an ram Kumthar Ni pualin mi tang 24,896 chu ngaihdam a, chhuah zalen an ni dawn tih nimin khan a sawi.
President chuan tang chhuah tur zingah hian ram dang mi 87 an tel tih sawiin, tangte hi thu delhkilh engmah awm loa chhuah an ni dawn a ni, a ti. Nikum khan Kumthar Ni pual hian tang 23,000 chhuah an lo ni tawh bawk.
Prisons department thupuangtu Zaw Zaw chuan tang chhuah turte hi coronavirus kaihhnawih thil vang a ni lo tih a sawi. Myanmar ramah hian hri kai hi mi 85 an awm tawh a, mi paliin an thihpui tawh a ni.