Prince William-in coronavirus damdawi-in a hawng
Prince William chuan Ningani khan video link kaltlangin NHS Nightingale Hospital, Birmingham, England-a mi chu a hawng.
NHS Nightingale Hospital hi Covid-19 damdawi-in a ni a, Prince William chuan ni riat chhung chiah sak a nih thu a sawi. "Tuna in dinna building kha ramchhung hmun hrang hranga miten chona an hmachhawn dan lantirna a ni," tia sawiin Nightingale hospital chu NHS chanchina hriatreng a nih tawh tur thu a sawi a ni.
England lal chhungkaw tan hian Covid-19 relief hi a pawimawh sawt hle a, Prince William pa Prince Charles ngei pawhin a lo vei tawh a ni. Ni 14 lai khung hran a nih hnuah enkawl dam leh a ni a, tunah erawh a nupui Camilla, Duchess of Cornwall nen an awm dun leh tawh.