December-a inthlan buatsaih turin Bangladesh hotu ngen

Bangladesh prime minister hlui, Khaleda Zia kaihhruai Bangladesh Nationalist Party (BNP) chuan an ram sorkar lailawka hruaitu, chief adviser Muhammad Yunus chu kumin December thlaah inthlanpui buatsaih turin an ngen. A adviser zingah sawisel hlawh tak tak an awm avangin a cabinet siksawi turin an ngen bawk.

BJP standing committee member, Khandaker Mosharraf Hossain kaihhruai BJP aiawhte chuan Inrinni zan khan chief adviser Yunus hi a chenna inah hmuin ngenna hi an thlen.

Yunus press secretary, Shafiqul Alam chuan Chief Adviser hian party hrang hrang hnenah an ram inthlanpui chu kumin December leh nakkum June thla inkara buatsaih a nih tur thu a lo hrilh tawh tih a sawi. Hetih lai hian party ṭhenkhat chuan a hun hi bithliah fel nghal an duh a ni.

Bangladesh sorkar lailawk leh sipaite inkarah pawh inthlan hun tur chungchangah an ngaihdan a in ang lo nia sawi a ni. Kar liam ta khan sipai hotu, general Waker-Uz-Zaman bakah navy leh air force hotute chaun Yunus hi hmuin, December thlaa inthlanpui buatsaih an duh thu hi an lo thlen ve tawh bawk.