Nepali Sherpa guide-in vawi 31 Mt Everest lawn chhuak

Nepali Sherpa guide Kami Rita chuan nimin, May 27, 2025 khan a vawi 31-na atan khawvela tlang sang ber, Mount Everest a lawn chhuak leh ta. Tlan lawn chhuak tam record, amah bawkin a lo siam tawh chu a rawn khum leh a ni.

Kum 58 mi, Kami Rita hian Indian army team, member 22 awmna hruaiin nimin khan meter 8,849-a sang, Mount Everest hi an lawn chhuak a ni. Sherpa dang 27 in Indian army team hi an hruai tel bawk a ni.

Kami Rita hian kum 1994 khan a vawi khatna atan Mt Everest hi a lawn chhuak a, hemi hnu hian kum thum thuneituten tlang lawn an khap tih loh chu kumtin a la lawn chhuak ziah a ni. Kum 1953-a New Zealand mi, Sir Edmund Hillary leh Sherpa Tenzing Norgay ten a hmasa bera tana Mt Everest an lawn chhuah hnu khan, he tlang lawn chhuak hi mi 8,000 chuang an awm tawh.