Vur tawlhin Swiss thingtlang khua a chhilh

Switzerland-ah Lotschental Valley-ah Nilaini chawhnu lam khan vur tawlhin Blatten khaw hmun tam zawk a chhilh a, mi pakhat a chhilh nia hriat a ni. Nimin lam khan sipaiten zawn hna an thawk.

Blatten khuaah hian mi 300 vel an cheng a, kar hmasa lam khan tlanga vur tlang lian tak chu tawlh mai thei dinhmuna a awm avangin khaw chhung mite chu insawn chhuak vek tura hriattir an lo ni tawh a ni. A mi chengte bakah an ran vulhte pawh sawn chhuah an ni bawk.

Nilaini khan vur tlang lian tak hi tawlhin lung pawh a tawlh thlakpui nasa hle, a thawm pawh a ring hle niin an sawi. Vur tawlh lei pawh magnitude 3.1-a nain a nghawr nghing bawk. Swiss thuneitute chuan vur tawlh hnu hian Blatten khuaa cheng, mi 64 mi chu chin hriat zui lohin a awm tih an sawi a, chhiatna thlen hmaa khua aṭanga sawn chhuak zingah a tel lo niin an sawi. Hei vang hian vur hian a chhilh nia hriat a ni a, an zawng nghal a ni.

Switzerland president Karin Keller-Sutter chuan Blatten khaw mipuite a tawrhpui thu a sawi. Valais region security hotu, Stephane Ganzer chuan vur tawlh hian Blatten khaw 90% a tichhia tih sawiin, chhiatna a thlen chu a rapthlak hle tih a sawi. An khaw din thar leh nan hian kum eng emaw zat a ngaih tur thu official-te chuan an sawi.