Russia-a lei chimah mi 7 an thi

Russia ramah Inrinni zan khan lei pahnih a chim a, mi pasarih an thi a, hliam tuar eng emaw zat an awm.

Ukraine ramri bula awm, Bryansk khuaa lei dawh chim vangin a hnuaia khualzin phur rel tlan lai chungah motor eng emaw zatin a delh niin regional governor Alexander Bogomaz chuan a sawi. He lei chim vang hian mi pasarih an thi a, mi 47 chu damdawi-in panpui an ni.

Inrinni zan vek hian Zheleznogorsk district-ah lei a chim bawk a, rail a chetsual phah a ni. Rel hi a kang zui a, driver chuan a ke ah hliam a tuar niin acting governor Alexander Khinshtein chuan a sawi. Lei chim chhan hi chhui chian nghal a nih thu a sawi bawk.

Lei pahnih chimte hi Ukraine ramri bul hnaia awm ve ve an ni a, chhiatna thlen danah hian Ukraine a inrawlh leh rawlh loh erawh thuneitute lam chuan an la sawi chiang lo. Hetih lai hian thil puak vanga lei hi chim niin interfax agency chuan a sawi thung.