Pentagon-in travel restriction pawtsei
US Defence Department chuan hri darh zel tur venna atana sipai leh an chhungte zinchhuah khapna a siam chu June 30 thleng atan pawhsei a nih thu a sawi a, mahse rampawn lama sipaite thawnchhuah leh hruai haw erawh phalsak a ni thung dawn tih a sawi.
He thupek hi vawiin aṭangin hman ṭan a ni dawn tih undersecretary of defense for personnel and readiness Matthew Donovan chuan a sawi a ni.
March thla tawp lam khan Pentagon chief Mark Esper chuan ni 60 chhung atan zinchhuah khapna thupek hi a lo tichhuak a, he thupek hi May thla hian a tawp ang. Mahse a tawp hmain thla khat dang an pawtsei leh nghal a ni. Khapna hi pawhsei ni mah se local commander-te erawh chuan sipaite thawnchhuah emaw, ram danga awmte hawna tur phalna emaw an pe thei thung.
Pentagon hian kar liam ta Zirtawpni thleng khan US sipai zingah Covid-19 kai hi 2,986 an awm tawh tih a sawi a, sipai pahnihin an thihpui tawh bawk.