SKorea-in social distancing rule thlahdul Ṭhen

South Korea chuan an rama hri kai thar an tlakhniam zel avangin social distancing rule a hmanna ṭhenkhatah a thlah dul. 

Sorkar chuan social distancing rule hi ni 15 dang hman chhunzawm a nih tur thu nimin khan a sawi a, hemi rual hian hmun ṭhenkhatah erawh chuan thlahdul a ni thung. Ruahmanna a siam tharah hian sport match-te chu entu mipui awm loin khelh chhunzawm theih a ni tawh dawn a, biak-in te pawh khar a ni tawh lo ang. 

Health thuneitute chuan ruahmanna thar hnuaiah hian an ram economy pawh kal pui theih a ni dawn tih an sawi a, hemi rual hian hri darh zel tur laka invenna atana kaihhruaina siamte chu ṭha taka zawm zel a ṭul thu an sawi nghal bawk.

South Korea-ah hian nimin khan hri kai thar hi mi pariat chiah an awm a, thla hnih chhunga hri kai an tlem ber ni a ni. Hri kai thar zing panga hi ram pawn aṭanga lut an nih thu  Korea Centers for Disease Control and Prevention (KCDC) chuan a sawi.