Sicily-a Mount Etna aṭang meikhu leh chirh sa phuh chhuak

Italy rama Sicily thliarkara Mount Etna chu Thawhṭanni khan a kang a, meikhu leh chirh sa nasa takin a phuhchhuak. Mahse, tlang kang hi a chhehvela chengte tan a hlauhawm pha lo niin official-te chuan an sawi.

Tlang kang inphuhchhuah hnu hian Catania airport-ah warning chu tih chhuah ani a, mahse thlawhtheihna service a nghawng buai lo. Italy-a INGV National Institute of Geophysics and Volcanology chuan Europe-a tlang kang thlen ngunna ber, Mount Etna-a tlang kang rawn inphuhchhuak thar hi a thlang chhimchhak lam chim vang niin an sawi a, tlang aṭang hian tui sa tak a rawn tawlh chhuak a ni. Mt Etna ah hian tun hnaia tlang kang a thlen ṭum 14-na a ni.

Sicily president Renato Schifani chuan tlang kang aṭanga tui sa rawn luang chhuak hi mihring chenna hmun a thleng pha lo a, mipuite tan a hlauhawm pha lo a ni, a ti. Tlang kang inphuh chhuak lai video leh thlalakte chu social media lamah a darh nasa hle.