Venezuela-ah hmeichhia ten kawng an zawh

Venezuela eptu pawlten President Nicolas Maduro-a paihthlak duh leh duh loh chungchanga mipui≠te ngaihdan lak a rawtna sorkarin a lo hnawlsak avanga lungawi lohna lantirin, nimin khan hmeichhia ten an ram khawpu Caracas-ah kawng an zawh.

Kar kalta Ningani khan Venezuela sorkar chuan eptuten referendum kaltlanga President paihthlak an tumna chu a hnawl a, eptu hruaitute chu Venezuela ram chhuahsan a khap bawk.

Eptu ṭangrual pawl, MUD hruai≠tu Henrique Capriles chuan sorkar thiltih dan chu ram danpui kalh a ni tiin, Nilaini aṭang khian ram pumah lungawi lohna lantir an tum thu an sawi. Hetihlai hian National Assembly speaker, Diasdado Cabello chuan nawrh huaihawt hi tharum hmanga sorkar paihthlak tumna a ni, a ti. Eng kawng mahin eptute tum dan anga sorkar paihthlak tir chu an tum lo tih a sawi.