US Defence Secretary-in Iraq a tlawh

US Defence Secretary Ashton Carter chuan sawilawk loin Inrinni khan Iraq a tlawh a, Iraq sipaiten Islamic State (IS) firfiakte lak
aṭanga Mosul khawpui lak let tuma an beih dante Iraq ram hruaitute a sawipui.

Ashton Carter hian Iraq Prime Minister Haider al-Abadi leh military commander leh official-te a hmu a, Mosul khuaa IS laka beihpui an thlak dante an sawiho a ni. Defence Secretary hian kumina Iraq ram a tlawh ṭum thumna a ni.

Iraq ramah hian US sipai eng emaw zat an la awm a, anni hian Iraq sipaiten IS fir≠fiakte an hneh theihna tur≠in training an pe a ni. Mosul khua laklet tuma beihpui thlak meknaah hian US kaihhruai
ṭangrual ramte chuan thlawhtheihna hmangin Iraq sipaite hi an lo pui bawk.

Iraq sipaite hian Inrinni khan Mosul khaw bula Qaraqosh khua chu lak let tumin an bei a, he khua hi Kristian tamna a ni. He khuaa cheng tam zawk chu sipaiten beihpui an thlak hma hian an tlanchhuak tawh a ni.

Iraq khawpui lian pahnihna, Mosul khua hi kum 2014 aṭang khan IS firfiakte kutah a awm a, kar kalta Thawhṭanni aṭang khan Iraq sorkar chuan laklet tumin beihpui a thlak ṭan a ni. Mosul khua hi hmun hnih aṭangin beih a ni a, Iraq sipaite chuan chhim lam aṭanga beiin, anmahni thlawptu Kurdish sipten khawchhak lam aṭangin an bei bawk.