Tunhma aiin Pakistan sipai a chak tawh zawk : Army Chief

Pakistan Army Chief General Rahel Sharif chuan Pakistan sipai chu tunhma zawng aiin a chak tawh zawk tih a sawi.

Pathianni khan Lahore-ah ram 18 sipaite chuan ni ruk awh tur World Physical Agility and Combat Efficiency System (PACES) competition vawi khatna an ṭan a, Gen Sharif chuan thu a sawi a ni. He hunah hian Saudi Arabia, Jordan, Sri Lanka, Nepal, Maldives, Qatar, Australia, Bangladesh, Indonesia, Russia, Turkey leh United Kingdom pawh an tel.

Pakistan sipai hotu chuan sipaiten hlawhtling taka Pakistan leh Afghanistan ramria firfiakte laka beihpui an thlak, Zarb-e-Azb Operation chung≠chang sawichhuakin, he hian Pakistan leh a chhehvel bial tan boruak ṭha leh muanawm tak a thlen phah a ni, a ti. Firfiakte an beihna kawngah Pakistan sipaite theihna leh thiamna chu a ṭha tawh zawk tih a sawi a, sipaite chuan hun harsa leh khirh tak takah pawh chonate chu an paltlang thei zel a ni, a ti.