Philippines President-in US nena inzawmna chhut chah tum lo

Philippines President Rodigro Duterte chuan China rama a zin ṭuma a thusawiah, US aṭanga an inlakhran tur thu a sawi mah se, US nena an inzawmna chhut chah vek a tum tihna a ni lo tih a sawi.

President Duterte chuan US nena inzawmna neih chu an ram chuan a duh reng tih a sawi a, hemi rual hian a dam chhungin America rama zin a tum loh thu a sawi tel nghal bawk. Duterte hian kar kaltaa China ram a tlawh ṭum khan, military leh economics lamah US lak aṭangin an ram a inlakhran tur thu a sawi a, mahse eng angin nge kalpui a tum erawh a sawilang lo.

An rama a kir hnuah a thusawi chungchang hi sawifiahin, "Inzawmna chhut chah a nih chuan palai intirh tawnte pawh tihtawp vek a ni ang a, mahse hei hi ka ti thei lo a ni. America-ah Filipino mi tam tak an awm a, ram mipuite pawhin inzawmna chhut chah hi an duh lo a ni" a ti. China-a a thusawi awmzia chu, an ram foreign policy chung≠changah US-a an innghat lutuk tihtawp tumna zawk a ni, a ti.