Myanmar hruaitu Kyi-i'n investor-te sawm

Myanmar State Counsellor leh Foreign Minister Aung San Suu Kyi-i chuan an ram chhung leh ramdanga investor-te chu an ram chhungah investment tam zawk ti turin a sawm a, economicy system chu langtlang leh rintlaka kalpui a tiam.

Myanmar khawpu, Nay Pyi Taw-a Myanmar Entrepreneurship Summit 2016 neihnaah thu a sawiah, Suu Kyi-i chuan economic system thar hnuaiah sumdawngte tan thiltih a awlsam zawkna tur dan siam a nih thute a sawi. An ram mipuite chu sorkarin ram hmasawnna tura hma laknaah theihtawpa pui turin a chah nghal bawk.

Suu Kyi-i chuan ramchhunga sumdawngte chu harsatna leh complaint duh an neih pawhin huaisen taka ministry hnenah thlen ngam turin a ngen. Mipuite pawhin eirukna do letna kawngah mawhphurhna an nei vek tih hria se a duh thu sawiin, public official leh minister-te laka complaint an neih pawhin sorkarah thlen zel turin a chah. Education system siamṭhat chu eirukna do letna peng pawimawh tak pakhat a ni, a ti.