IS-te'n Rutba khua an la

Iraq sipaiten an ram khawpui lian pahnihna, Mosul khua chu Islamic State (IS) kut aṭanga laklet tumin beihpui an thlak mek a, hetihlai hian IS chuan Mosul khaw bula Rubta khua chu Thawhṭanni khan an la.

IS-te hian security force-te laka Mosul khaw bula thingtlang khuate an hloh hnuin, khawthlang lam km 700-a hla, Rutba hi luhchilhin an la a ni. Rutba khuaa mayor office an lak hnuah mi panga an tihlum niin army commander-te chuan an sawi.

Rutba khuaah hian mi 20,000 chuang an cheng a, he khua hi Baghdah aṭanga Jordan leh Syria panna kawngpuiin a paltlang avangin a pawimawh hle.

Iraq sipai leh anmahni thlawptu, Kurdish force, Sunni tribal fighter leh Shia helte chuan firfiakte kut aṭanga Mosul khua laklet tum hian an bei chhunzawm zel a, mahse khawpui la let tur hian hun eng emaw chen a duh rin a ni. Mosul khua laklet tuma beihnaah hian US kaihhruai
ṭangrual ramte chuan thlawhtheihna hmangin an lo pui bawk.