NKorea hotu Kim-a'n Russia a thlawp zel dawn tih sawi

North Korea ram hotu, Kim Jong-un chuan an ram tlawhtu, Russian Security Council secretary Sergei Shoigu hnenah Ukraine-Russia indona thleng mekah Russia chu an thlawp zel dawn tih a hrilh.

Nilaini khan Pyongyang-ah Kim leh Shoigu te hian meeting an nei a, Kim chuan kawng hrang hrangah Russia leh a foreign policy chu an thlawp zel dawn tih sawiin, Ukraine nena an buaina neih mekah pawh an thlawp tlat tih a hrilh a ni. Hruaitu pahnihte hian NKorea leh Russia thawhdunna chak zawk siam dan turte pawh an sawi dun. Shoigu hian March thla khan NKorea hi a lo tlawh tawh bawk a ni.

NKorea hian Russia-in Ukraine a beihnaa pui turin a sipaite pawh a lo tir tawh a ni, ralthuam pawh eng emaw zat a supply bawk.