Mikhualte lakah Iraq mipuite ṭha ber

Khawvel ram hrang hrang zingah, Iraq ram mipuite chu mikhualte laka ṭhat chhuah ber an ni. Myanmar mipuite chu midang tana thilpek pe tam ber an ni bawk.

Tualchhung indona leh firfiakte pawikhawihna thleng ṭhinin a tihbuai reng ram ni mah se, Iraq ram mipuite chu mikhualte laka ngilnei leh ṭha ber niin CAF World Giving Index 2016 chuan a tarlang. Thla khat liamta chhung khan Iraq mi 10 zinga pariat chuan an hmelhriat ngai lohte an ṭanpui a ni. Hemi chhung vek hian Myanmar ram mipui 90% chuan midangte ṭanpuina turin sum an pe bawk. America mipui 63% chuan thla kalta chhung khan midangte ṭanpuina turin sum an pe a, mi 73% in an hmelhriat loh an ṭanpui a ni.